torsdag 11. september 2008
Bahnstadt Heidelberg
"Die Bahnstadt. Ein neuer Stadtteil." På norsk: Banebydelen. Eit industri- og jernbaneområde på flatt terreng inntil jernbanestasjonen i Heidelberg er planlagt utvikla til ein ny sentral bydel med gater, parkar, bustader, arbeidsplassar og tilhøyrande tenestetilbod. Området på over 1000 dekar og større enn den gamle delen av Heidelberg, som er ein kjend og vakker universitets- og turistby.
I grunngjevinga for å satsa på den nye bydelen heiter det: -Med si sentrale plassering ved eit trafikknutepunkt vil den nye bydelen bli ein attraktiv stad å bu og arbeide både lokalt i byen Heidelberg og i høve til andre byar i regionen. Slik ser ein del av området ut i dag med noverande jernbanestasjon "Bahnhof" synleg oppe til høgre og gamlebyen i same retning utanfor kartet.
Ei byutvikling der det vert satsa på at sentrale og dårleg utnytta areal kan nyttast meir intensivt enn tidlegare er god samfunnsøkonomi. Vonleg vil kombinasjonen av kontorprega arbeidsplassar, bustader og fellesanlegg i ein relativt tradisjonell gatestruktur vera ei god blanding som kan gje grunnlag for eit godt bymiljø og eit berekraftig bysamfunn. Byutvikling som dette vert gjerne kalla for nyurbanisme.
Elles har Heidelberg ein stor bygningsarv frå mellomalderen, med store og dramatiske slottsanlegg som ruvar oppe i den frodiga dalsida langs elva Neckar. Ei "Fløibane" på skinner fører opp til utsiktspunkt. Langs elva kan ein sykla langs Neckar Radweg. Frå Mannheim og hit tek det eit par timar, og så kan ein reisa med toget attende i ei praktisk innretta togvogn der det er god plass til syklar.
I grunngjevinga for å satsa på den nye bydelen heiter det: -Med si sentrale plassering ved eit trafikknutepunkt vil den nye bydelen bli ein attraktiv stad å bu og arbeide både lokalt i byen Heidelberg og i høve til andre byar i regionen. Slik ser ein del av området ut i dag med noverande jernbanestasjon "Bahnhof" synleg oppe til høgre og gamlebyen i same retning utanfor kartet. Ei byutvikling der det vert satsa på at sentrale og dårleg utnytta areal kan nyttast meir intensivt enn tidlegare er god samfunnsøkonomi. Vonleg vil kombinasjonen av kontorprega arbeidsplassar, bustader og fellesanlegg i ein relativt tradisjonell gatestruktur vera ei god blanding som kan gje grunnlag for eit godt bymiljø og eit berekraftig bysamfunn. Byutvikling som dette vert gjerne kalla for nyurbanisme.
Elles har Heidelberg ein stor bygningsarv frå mellomalderen, med store og dramatiske slottsanlegg som ruvar oppe i den frodiga dalsida langs elva Neckar. Ei "Fløibane" på skinner fører opp til utsiktspunkt. Langs elva kan ein sykla langs Neckar Radweg. Frå Mannheim og hit tek det eit par timar, og så kan ein reisa med toget attende i ei praktisk innretta togvogn der det er god plass til syklar.# innlegg av syklisten - il ciclista @ 11:35 
Abonner på Innlegg [Atom]
